1- البطاقة الدوارة ام 200 جنيه بطاقة انتخابية متعلم عليها على شفبق و بيدوك مبلغ مالى وصل فى بعض الاحةال ل 200 جنيه و يطلب من الناخب وضعها بدل بطاقته او معها
2- استخدام بطاقات رقم قومى ذات اسماء متكررة فى الكشوف الانتخابية فى اكتر من لجنه بمعنى نفس الاسم و يتم تكراره فى اكتر من لجنه و يقوم الفرد (جزب و طنى او مخبر امنى ) بالمرور على عدة لجان و التصويت اكثر من مرة
3- اضافة 3مليون ناخب حديثا لكشوف الانتخابات الرئاسية و قد صرح بذلك اعضاء اللجنة بتاريخ3-5 فىعدة جرائد و وسائل اعلامية و من غير المنطقى ان يتجاوز 3 مليون شاب سن 18 سنه فى اقل من عدة اشهر ليسجلوا بالكشوف الانتخابية
4- قيام افراد الامن المركزى و الشرطة وا لجيش بالتصويت و قد تواترت الاخبار و قام نقيب شرطة بتقديم بلاغ رسمى للنائب العام و موثق بصور البطاقات قبل و بعد التغير (خانة المهنة) كما صرح بذلك المستشار حاتم بجاتو اليوم ف جريدة الشروق انه تلقى بلاغا بتصويت ضابط جيش فى بلبيسو ايضا صرح انه تسلم عده ادلة على مجموعة من السيديهات تفيد تصويت رجال الشرطة و الجيش فى الانتخابات الرئاسية
5- الارتباكات فى التصويت بالخارج حيث اقر البعض على تصويتهم لحمدين فى نيويورك و لم يحصل حمدين على اى صوت فى نيويورك ايضا فى احدى الدول الخليجية تقدم 65 مواطن بشكوى لعدم تمكنهم من الانتخاب حيث انهم عند توجههم للسفارات للقيام بالتصويت اخبروهم انهم قد قاموا بالتصويت بالفعل
للناس اللى مريحة دماغها و اخرها تحول من روتانا لاى قاة اخبار بزهق عشان سمعوةاا ن فى (قلق) ف العباسية ملخص ليله امس من متابعتى على تويتر و الفيس .. انا منزلتش عشان معرفش انه هيجموا الهجمة دى النهاردة و اصابتى من اول يوم منعتنى من النزول لان عينى كانت مقفوله خالص و باخد تقريبا 3000 مجم مضاد حيوى يوميا عشان الورم يروح
ملحوظة متابعاتى دى من ناس كانت هناك وواقفة فى الصفوف الاولى.
الواحد مش عارف يبتدى منين .. النهاردة اعداد البلطجية كانت كبيرة اوى و الاشتبا كان بغرض الانتقام و اطلاق الاعيرة النارية مكنش فى الارجل مثل السابق لكن اطلاق نار من محترفين . استهدفوا الرؤوس و الرقاب بالاعيرة النارية و الاصابات القاتلة كتير مجمل الشهداء تجاوز 20 شهيد حتى هذه اللحظة بعد افجر القتل كان على اللحى .. اى صاحب لحية يتم اعتقاله او خطفه من قبل البلطجية بيدبح حالات الدبح واحد فى المترو اتمسك و اتعذب و فى جرح قطعى فىا لرقبة بس كان بينازع و الدكاترة لما جالهم بعتوه المستشفى شهادة الدكتور محمد عليوة من مستشفى دار الشفاء باستهداف المصابين الدكاترة فى دار الشفا عشان يهربوا اخ ملتحى من الدبح اقنعوا البلطجية انه دا ميت من حى و حلقوله دقنه و لبسوه بالطو طبيب و خرجه من المستشفى شهادة احد سائقى الاسعاف ان كان رايح بحالة ع دار الشفاء و البلطجية و قفوه و نزلوا المرافق اللى مع المصاب و دبحو ه و بعتوا الاتنين ع سيارة الاسعاف استهداف حتى الملتحين اللى ساكنين ف العباسية و احد الاخوة كان بيروى ازاى روح بيته اللى فالعباسية بصعوبة شديدة جدا و بقاش عارف ينزل تانى ازاى.
الجديد فى اشتباك النهاردة كان عدد البلطجية الكبير اوى و تسليحهم .. البلطجية كان معاهم قنابل غاز ميرى و اسلحة امن مركزى و دروع امن مركزى غير الالى و الطبنجات و الاسلحة البلدى زى الخرطوشو المقاريض و قنابل المونة وا لمولوتوف و كرات نار و اسلحة بيضا
لما حد يجى يقولى دول االى العباسية هقولوا .. هوو اهالى العباسية مبيهجموش غير فى نص الليل كل يوم فنفس الميعاد قولوا اهالى العباسية بياكلوا فى علب جاية من دار المدرعات (الجيش بينزلهم وجبات ) هقولوا اهالى ا لعباسية معاهم قنابل غاز و اسلحة نارية و اليه (اكيد جابوهم من سبينس او اولاد رجب ) الضرب استمر اكتر من تسع ساعات بعض النشطاء اللى كنا فاكرينهم وطنيين نزلوا وو سلملوا المعتصمين تسليم اهالى و قالوا انهم معاهم اسلحة نارية (علاء عبد الفتاح و كريم شريف ) طيب يا حيلتها انت و هو مدفعناش عن نفسنا بيها ليه و جريناهم .. المعروف للكل ان فى معتصمين معاهم مسدسات صوت بس لارهاب و اخافة البلطجية و اللى عندوا كلام غير دا يجيب الفوارغ الشهدا تعدوا العشرين و الاصابات الله اعلم عددها كام و العباسية كلها مكردنه من الفجر جيش و امن مركزى و بلطجية و اللى بيقرب بيعتقل دا ملخص سريع لانى مكش قادر احط فنفسي و اسكت
يار يت اللى يروح يروح فمسيرات ميروحش لوحدة و ميرحش بالمترو خالص انزل رمسيس و المسيرات تطلع الساعة بعد العصر و مسرة 6 ابريل هتطلع الساعة 5 من رمسيس بردوا متخذلش اخواتك
رئيس توافقى يعنى اية يعنى لو كان فعلا كويس مش جاى على حساب حد اتنازل مع ان دا مش مطروح يعنى واحد هيضيع وقته فى ارضاء الناس علشان يستحق لقب توافقى و يشغل دلك عن دور الرئيسي او يعنى انه يضرب بالتوافقية عرض الحائط و و يتحيز لفرقته او حزبه بعد فترة و بقية المتوافقين عليه يلبسوا عشان يروحوا السجن
الطبيعى فى الديموقراطية ان التوافق يكون على الاغلبية من العكس و ان التوافق يكون باحترام رغبة المجموع
اللى بيحصل فى مصر دا هبل هبل هبل و اخرته زى الطين و كأن مفيش ناس بتفهم او تفكر او تشغل دماغها لو الاسلامين كانوا اقلية الرئيس التوافقى الاسلامى هيبقى زى الزفت بردوا وا لعكس صحيح مفيش حاجة اسمها رئيس توافقى فى حاجة اسمها اغلبية و انتخابات و دا مينفيش عن الاغلبية المسئولية الساسية فى تبنى مشروعات تخدم جميع طبقات المجتمع اللى منها الاقلية رئيس الاغلبية مش معناه انه يضرب بالاقلية عرض الحائط كما يصور دلك لنا بعض الموتورين من اصحاب المصالح و الاغراض رئيس اغلبية يعنى واحد واثق من مواضع اقدام لا يسعى لاسترضاء احد على حساب احد بل يتناول المسائل المطروحة بموضوعية و حياد و تجرد من مطيباتى رئيس اغلبية مش هيدين بالتزام ارضاء جميع الاطراف لان مينفعش ترضى جميع الاطراف دايما فى حق و باطل فى معتدى و معتدى عليه مفيش حالة وسط و الحالات الوسط تنشأ نتيجة تفاعل و تدوم لفترات مؤقته و كفايانا بقى فترات مؤقت و انتقالية رئيس اغلبية يعنى مش هتحصل ثورة كل سنتين رئيس اغلبية مش معناه اغلبية البرلمان او اغلبية القوى السياسية رئيس اغلبية هو من يختاره الشعب فى لعبة الديموقراطية التى ارتضينا قواعدها و محدداتها
هدا مع اعتراضى على الاداء الباهت للاخوان و حزبي الحرية و العدالة وا لنور و الدى ينتمى اغلب اعضائهم للتيار الاسلامى و مع قناعتى بعدم صلاحية انتخاب مرشح هم يرشحوه و دلك لقناعتى التامة بوجود صفقة مع العسكر على رئيس هم و القوى الغربية يرتضونه دون غيره و ان كعادة العسكر لا يحركوا القطع الا فى اللحظات الاخيرة و المناسبة من وجهة نظرهم
فى نظرى الرئيس هو من سيختار الشعب انا اؤيد حازم صلاح ابو اسماعيل و ان لم يترشح اؤيد ابو الفتوح
و لكن ارتضى من سيختاره الناس .. هم ابناء وطنى و انا فرد من هدا الوطن
كان ياما كان في سالف العصر والاوان، أسد عجوز أسنانه مخلعة ونظره شيش بيش، قاعد في عرينه اللي هو بيته، وبيحكم منه الغابة كلها، ومفيش أي حد من سكان الغابة دي مبيخافش منه، ويموت من الرعب لما يسمع زئيره وهو بيزأر بصوت عالي كل يوم الصبح، لأن دي الحاجة الوحيدة اللي فاضلاله من أيام العز، ولأنه زمان كان قوي جدا، مفتري جدا، محدش بقى متخيل إنه ممكن يبقى ضعيف، ممكن حتى يعجز ولا يموت.
وكانت كل فصيلة حيوانات مسؤولة كل يوم انها تأكله، النمور تجيبله الاكل يوم لحد مدخل العرين، القرود تجيبه اليوم اللي بعديه والافيال اليوم اللي بعديه وهكذا تلاقي كل فصيلة أو نوع بيجيبله الاكل يوم في الشهر، وكلهم فرحانين انه مبيخرجش من بيته ويقولوا بينهم وبين بعض، أهو تعب يوم في الشهر ولا الأسد المفتري ده يخرج لنا.
لحد في يوم من الايام كان الفار زنفل بيتمشى في الغابة زهقان وقرفان من الزحمة اللي عندهم في الجحر، ويمكن كمان جعان لان مناخيره شمت ريحة غريبة، جاية من ناحية بيت الأسد ملك الغابة، خاف في الاول يروح هناك بس الجوع كان اقوى منه ومن خوفه قرب بالراحة وقلبه بيدق جامد، لقى حتة لحمة كبيرة مرمية قصاد الباب ومغروس فيها سنتين، استغرب قوي من منظر الاسنان قرب أكتر وبص عليهم وهو بيقول لنفسه
- ياترى ايه دول، معقولة تكون اسنان ملك الغابة
سمع صاحبنا الفار زنفل صوت الاسد من جوه وهو بيعيط بصوت واطي وبيقول
- خلاص دول كانوا اخر سنتين في بقي مش حعرف اكل تاني… آه ياني
وبقى كل يوم يروح ياكل من الاكل اللي محطوط قصاد بيت الملك، أول ما يسمع الزئير الصبح بدل ما يخاف يبتسم.
وكل يوم يعدي على بيت الملك يتأكد هو حي ولا مات خلاص، لحد يوم ما راح وعرف ان الملك مات، دخل بسرعة العرين ولبس سلسلة علق فيها السنتين بتوع الاسد، وخرج للغابة يصرخ بصوت عالي : أنا قتلت الأسد أنا قتلت الملك، أنا زنفل
الحيوانات ضحكت في الاول وقالوا الفار اتجنن خلاص، لكن تاني يوم النمور راحت تودي الاكل بتاع الملك شافوا زنفل معلق السلسلة وفيها اسنان الاسد
مبقوش مصدقين، اليوم اللي بعدها الغزلان جابت أكل الملك وشافوا زنفل برضو لابس السلسلة وساكن بيت الملك
ولحد النهاردة الحيوانات بتاعة الغابة كلها بتودي الاكل في ميعاده عند باب البيت ويستغربوا من منظر زنفل وهو لابس السلسلة وهو بياكل لحد ما يشبع وفرحان لكنهم عمرهم ما بطلوا يودوا الاكل
من تدوينه اسامة الشادلى موقعة كوبرى الفردوس مدونة منمنات و التدوينه عن الاعتداء عن ناشط سياسي بعد كتابته عن الفساد المالى لاعضاء المجلس العسكرى
1- حسين طنطاوي : كلب السلطة، المسئول تكتيكياً عن ثغرة الدفرسوار، الكلب الذي اختاره المخلوع للسيطرة على القوات المسلحة وتخربيها تنظيمياً عن طريق تعديل قوانين الترقي بها، وكذلك إختيار أصحاب الولاء لا الكفاءة، وتسليحياً عبر العديد من صفقات السلاح التي عقدت تحت شعار “العمولة أولاً وأخيراً”…. المشير لا مؤاخذة. 2 -سامي عنان : الضابط الفاشل البليد، الذي حولته حادثة الأقصر إلى كلب السلطة الوفي و ابن طنطاوي المدلل، لص آخر في مكان لا يجب تنظيمياً آن يشغله… الجنرال المحظوظ. 3 - ممدوح شاهين: خريج الحقوق الذي يعاني عقدة عدم كونه ضابطاً حربياً، قضى عمره بين أركان المحاكم العسكرية التي يعمل بها القاضي محولجياً ينفذ الأوامر، يدعي الآن التبحر في القوانين الدستورية، لص آخر…. الجنرال التعيس. 4 - عادل عمارة : رجل لم يعبد يوماً إلا المنصب، لحس بإخلاص بيادة كل قادته حتى وصل إلى منصبه، غبي للغاية، فاشل جدا، لص آخر…. الجنرال الكاذب. 5 - وسأكتب عن محسن الفنجري الجنرال أبو صباع، طويل اللسان، لاحس الآحذية، صاحب واقعة الخروف، وسأكتب عن إسماعيل عتمان، جوبلز المصري الفاشل وأسرار إستبعاده، وعن اللواء العصار، رأس الحكمة في المجلس أو قل رأس ميدوسا، خزينة أسرار صفقات التسليح المضروبة، وعن اللواء صبحي وزير الدفاع القادم. - هؤلاء هم أسيادي كما وصفهم الجلاد.. أضف إليهم الجنرال المقتول شفيق.. ومن كان هؤلاء أسياده - وهم بالفعل أسياد الجلاد - فلا يستحق إلا الشفقة.
ممكن كمان نضيف الروينى الكداب مروج الاشاعات و ممكن نضيف حمدي بدين - اسماعيل الشاعر الجديد - الناس دى لازم تعرف ان ربنا جعل الدماء غاليه و اللى اراق دم بغير حق لازم يدفع تمن الدم دا دنيا و اخرة
موضوع جامعة النيل مكنتش متابعة كويس و معرفش و مش عارف ليه التايم لاين ساعات يولع و يغلطوا فى زويل و حسسونى ان زويل هيأجر الجامعة مفروش .. سألت عن الموضوع و جاوبنى عن تساؤلى الحساب بتاع انقذوا @SaveNileU جامعة النيل .. و أستأذنته انى انشر تويتاته فىالرد عليا .. موضوع جامعة النيل بأختصار انها جانعة اتأسست بتبرعات من رجال اعمال و الحكومة خصصت لها ارض حولى 300 فدان و الجامعة بتقدم منح دراسية و بتقوم بمشروعات بحثية فى ستى فروع العلوم الطبيعية . و بردوا من انجازات الجامعة انها جذبت 40 عالم من العلماء المصريين من الخارج و رجعتهم مصر للمشاركة وا لتدريس فى الجامعة و دا غير الاوائل و المتميزين من الطلبة و هيئات التدريس فى كل جامعات مصر و اللى شاركوا فى الجامعة ككوادر بحثية او هيئة تدريس. و دة لان الجامعة مشرو ع غير ربحى. كلنا سمعنا و شفنا المهندس هيثم الدسوقى اللى رفع راس مصر فى حاجة عدله (لا رقص ولا رياضة و لا كلام فارغ من اللى احنا متميزين فيه للأسف)
فيديو لهيثم و احد مشروعاته
و دا كان مثال للطلبة وا لباحثين اللى ساعدتم الجامعة و طورت امكانتهم
و دى حلقة باسم يوسف عن الجامعة
و دا نسخ لتويتات الموضوع اللى كانت من حساب @SaveNileU
1- الحقيقة انها غلطة الحكومة التي اعطته عالجاهز مباني مجهزة بأموال تبرعات جامعة النيل ومسئوليته أخلاقية فقط
2-الإدارة كلها عرضت انها تستقيل وكتير منهم الآن متبرعين بمرتباتهم دي حقيقة والجامعة لا يملكها شخص بل مؤسسة ذات نفع عام ولا يتربح أحد
3- المشكلة كالتالي جامعة النيل مشروع مختلف في أهدافه عن مشروع زويل ولكنه مشروع عملاق مصمم على 270 فدان والمباني القائمة بنيت في 4 سنين
4- وجهزت بأموال تبرعات تبرعات جامعة النيل وصادرها شفيق بقرار غير قانوني نطعن فيه أمام القضاء أما الدمج فهو وإن كان حل جزئي ينقذ مستقبل
5- مستقبل الطلبة إلا أن به ثغرتين أولااننا نوعد به من مايو الفائت ولم يحدث حتىاللحظة ولم تفتح المعامل لطلبتنا أمثال هيثم دسوقي وأبحاثهم
6- وثانيا انه مشروع عملاق مصمم على كل مساحة مشروع زويل أو بالتحديد على 270 منن ال300 فدان وأهدافه مختلفة لا يركز على العلوم الأساسية
7- الفيزياء والكيمياء الخ انما يخدم قطاع التكنولوجيا والاتصالات بالتالي الدمج لن يكون دمجا ولكنه وقف لمخططات مشروع عملاق وإنقاذ الطلبة
8- جامعة النيل تقدم سنويا مئات المنح للدراسات العليا والطلبة بالمنح الكاملة يعملون بالمراكز البحثية الملحقة
9-بالتالي فطلبتنا من أوائل كل جامعات مصر الحكومية والأساتذة مصريون تم اجتذابهم من جامعات عالمية بالخارج فسببت هجرة عكسية لحوالي 40عالم
10- لكننا نناشده تدارك المشكلة أخلاقيا فيؤلمنا أن نرى مشروعين بحثيين غير ربحيين في مواجهة! والمسئول عن وضعهم في مواجهة أضر مصر
11- هو في الأول زويل كان عايزينقي من طلبتنا والإدارة رفضت وصممت فالآن يعرض ياخدنا كلنا وينتهي اسم جامعة النيل ولسه كله كلام لم نرى أفعال
12- عفوا وأرجوك لو في أي وقت عندك استفسارات أو عند أحد معارفك دله علينا وعلى صفحة الفيسبوك وسنرد كل الأسئلة
رأى الخاص فى الموضوع انها محاواة اخرى لأيهام الناس من الحكومة الحالية وا لسابقة بالعمل لخير و مصلحة البلد لكن هما فىا لحقيقية بيخربوها كالعادة
جامعة النيل للعلوم بتهتم بجميع فروع العلوم و مساحتا 300 فدان و تهتم بمجالات الفيزياء و الكمياء و الاتصالات و الالكترونيات و غيرها من فروع العلم الرئيسية و فروعها التخصصية ، الحكومة عشان تبين للناس انها عملت خير فينا و طلعت عنيها عقبال ما اقنعت زويل انه يجى و يعمل مشروعه اديته جامعة النيل يعمل فيها مشروعه متجاهله المشروع القومى ى المتمثل فى جامعة النيل و المشروعات الملحقة من مراكز بحثية و المشروعات الخاصة بالتطوير وا لبحث الخاصة بالطلبة وا لكوادر البحثية الخاصة بالجامعة و التى تشمل جميع فروع العلوم الطبيعية كما ذكرنا
الحكومة تجاهلت كل دا فى سبيل تطبيق مشروع زويل القائم بصورة اساسية على الاتصالات كفرع من فروع الهندسة و هذا يعنى انهاء كل المشاريع الخاصة بالجامعة حيث مساحة الجامعة 300 فدان و المساحة المقدرة لمسروع زويل 270 فدان يعنى اللى هيفضل للباحثين فى جامعة النيل 30 فدان يعملوا فيا كل مشاريعهم و الغاء كل المعامل و المنشئات البحثية المخصصة لفروع العلم الاخرى .
و كان بالجدر للدولة تخصيص مشروع منفصل مدينة زويل العلمية و ليس هدم مشروع ناجح و قائم و منتج فى سبيل محاولة انشاء متعثرة لمشروع اخر .
حبيت اكتب الكلام دا و انشره لانى عارف اهميةالبحث العلمى فى مصر و ازاى دا بيتحارب من زمان و لاوم كلنا نعرف ازاى بيتلعب بينا من حكومات اقل القول فيها الجل المطبق و ان كان الواضح من سلوكها العمالة و الخيانة.
الشريعة هي كل ما شرعه الله لعباده مِن الدين، فهي بمعناها العام تشمل كل ما جاء به الإسلام مِن العقائد والأخلاق والعبادات والمعاملات..، وبمعناها الخاص تُطْلَق على الأحكام العملية مِن العبادات والمعاملات…
والشريعة بهذا المعنى الخاص هي التي كانت تتفاوت مِن رسالة إلى رسالة وفق ما اقتضته الحكمة الإلهية كما قال تعالى: ﴿لِكُلٍّ جَعَلْنَا مِنْكُمْ شِرْعَةً وَمِنْهَاجًا﴾ [سورة المائدة – الآية 48]، ثم استقر الأمر على شريعة الإسلام التي خَتَمَ الله بها الشرائع ونَسَخَ بها المِلل وجعلها ديناً واجب الاتباع إلى قيام الساعة.
قال تعالى: ﴿ثُمَّ جَعَلْنَاكَ عَلَى شَرِيعَةٍ مِنَ الأَمْرِ فَاتَّبِعْهَا وَلا تَتَّبِعْ أَهْوَاءَ الَّذِينَ لا يَعْلَمُونَ﴾ [سورة الجاثية – الآية 18].
فالمراد إذن بتطبيق الشريعة هو الشريعة بمعناها العام الشامل الذي يترادف مع كلمة الدين، فيكون المقصود حراسة الدين عقائد وأخلاق وأحكام، وسياسة الدنيا به.
ولهذا اتفق أهل العِلم على مدار التاريخ الإسلامي كله أنَّ وظيفة الحكومة الإسلامية تتمثل في حراسة الدين وسياسة الدنيا به.
أما اختزال الشريعة في الحدود فقط فهو محاولة للتشويش أرجو أنْ يترفع عنها المنصِفون، فما الحدود إلا باب مِن أبواب المعاملات، وما المعاملات إلا قِسم مِن أقسام الشريعة بمفهومها العام والشامل، ورَحِم اللهُ امرءًا قال خيراً فغنِم أو سَكَتَ فسلِم.
كتبه: أ.د. صلاح الصاوي
مِن كتاب: يسألونك عن الشريعة – حوارات حول الشريعة والعَلمانية
سكان الشوارع المجاورة لمجلس الشعب يشهدون على أن أعتداء قوات المجلس العسكرى و انها ساعدت مدنيين على صناعة قنابل مولوتوف لقذفها على المتظاهرين بعد فض اعتصامهم عند مجلس الوزراء فجر الجمعة 16 ديسمبر 2011.
- مدنيين قالوا عن نفسهم أنهم “لجان شعبية مع الجيش” كانوا يطلبون من السكان زجاجات لصناعة المولوتوف لمواجهة المتظاهرين
- الجيش كان يسحل المتظاهرين ويضربهم بأدوات حديدية ويحتجزهم
- الجيران شهدوا دخول عربات نقل محملة بالطوب رغم الحصار المفروض على المنطقة
- الجيش احتجز مصورين سجلوا شهادات الأهالي داخل وزارة الداخلية وصادر شرائطهم
شهادة جيران مجلس الوزراء: اعتداء الجيش علي المتظاهرين (by EIPRChannel)
اللى بيغظنى أكتر و اكتر بأه بعض شيوخ السلفيين اللى كلنا بنسمع لهم لما شيخ يقول دى واخدة مدسوسة و لابسة نقاب بعشان تجر السلفيين و البنت اللى اتعرت و اتهتك عرضها يقولك دى من سته ابريل و متصورة من كذا زاوية طيب يا اهبل كونها من سته ابريل يخليها مش بنت مثلا طيب كومنها من سته ابريل يخليها حلال انه يحصل فيها كدة طيب بلاش دى العساكر اللى عملوا كدا من سته ابريل بردوا عشان يحبكوا الفيلم ردى الوحيد قال تعالى :” سماعون للكذب أكالون للسحت” العنكبوت الناس دى لو اتقت ربنا فى مطعمها و مشربها كان ربنا نجاها من سماع الكذب و تصديقه و القول به سبحان الله و هتلاقيهم هما هما اللى معندهمش مشكلة ان ضابظ يعذب حرامى او ان امن الدولة تمسك واحد تبهدله و لو هو وقع فمشكله هيتصل بصحابة الضباط ولا الوسايط يعملوا حفله على خصمه يا شيخ النبي مقالش للست اللى يهودى كشف عورتها ايه اللى وداكى هناك و مقالش اليهود عاملين الموضوع دا عشان يجروا المسلمين ف المدينة لصدام اتقوا الله و لما حصلت تانى فزمن المعتصم بردوا المعتصم مقالش حاجة من دى بعت جيش ينتقم لعرض مسلمة كشفت عورتها احنا عندنا مسلمات اتداسوا بالجزم و كشفت عوراتهم و اغتصبوا و حتى مكلفتش نفسك تدعى ع اللى عمل كدا طيب يا شيخ انت تثبت و تأكدت من انها مدسوسة و انها من سته ابريل ولا حد قالك الكلام دا و انت شربتها قوام لعلمك المرأة اللى كشفت ايام النبي و الاخري فى خلافة المعتصم محدش عارف اساميهم امرأة من عموم المسلمين يعنى محدش دور وراها و شاف اصلها و فصلها و أخيرا الخير فى و فى أمتى ألى يوم الدين فى شيوخ و رجال دين مش مقيداهم جماعة او مخوفهم مجلس بيتكلموا و بينصروا و بييتضامنوا و فى شباب سلفى و اخوانى كتير غضبان و مش مقيد بجماعة او بحدود و الامل فلابنا كبير
الهبل اللى عمالين ينددوا و يتشنجوا و يقولا اناركية و مخربين .. طيب هما كانوا فين الاناركية يا بل قبل كدا .. كانوا فين هه الاناركية محدودين جدا و لو فى فعلا تحرك منهم الدم كان يبقى للركب متجيش على واحد شاف الموت بعينة من واحد المفروض انه بيدافع عنه و تقولوا لما تشوف واحد بيموت سيبه و امشي و لا كلامة الخايبة اية اللى وداه هناك زى ما من حقى اتظاهر من حقى ادافع عن نفسي و يا اهبل هوه العنف و الخروج عل الحاكم بقى برمى الطوب و المولوتوف .. طيب واحد بضربك برصاص حى و يعري بناتك عاوز الناس يعملوا اية يرفعوا الاريال و الله بلا بلاء بأه البلد متأخرة بسبب سلبيتكوا العفنه .. لان اى واحد فيكوا لو شاف محتاج مش يساعدوا عشان شكلوا ممكن ميعجبوش او يخش دماغه كفاية بأة حرام حرام اللى ميشفش من الغربال يبقى اعمى و فى حالتنا يبقى اعمى و غبي كمان انك تتسامح فى واحد زى مصري بيتقتل عشان انت مختلف فى طريقة مطالبته بحقه دا ظلم عظيم طيب يا فالح يا متعلم يا متنور لو انت شايف ان من حقه يطال بحقه بس بيطالب بيه غلط .. اتحرك انت بالطريقة اللى تحبها .. هاتله حقه و علم الطريقة الصح اللى بيها يجيب حقه و الناس اللى تقعد تقولك اطفال شوارع و عواطليو و صيع .. طيب ما الناس دى اكتر ناس مظلومة من الحكومة ولازم يطالبوا بحقهم اومال انوا فاكريين اية يفضلوا مرممين فىالشوارع كدا مش بقولكوا انتوا سلبيين و طالما جيبك ماليان و تلاجتك كليانه بتقعد تتأمر و تحلل و تقول رايك جوة بيتك و بعد كدا تحس بالنشورة على تحليلاتك الفشيخة و الفظيعة و تحمد ربنا على نعمة العقل و تقوم تنام .. خلييك نايم بس انا عارف انك كنت بتقول كدا فى يناير اللى فات و عارف انك نزلت التحرير بعد الثورة و كنت فرحان ان الشعب عمل حاجة افتكر دى بس
اولا : الفترة الانتقالية : بعد ما نتختار مجلس شعب و شورى و بدل ما نواب الشعب يختاروا لجنة تأسيسية بالانتخاب لا هيقعدوا 6 شهور كاملة على الاكثر يختاروا اللجنة و 6 شهور زيهم يكتبوا فى الدستور و بعد كدا الاستفتاء على الدستور و بعد كدا الانتخابات الرئاسية يعنى بأقصى حالات التفاؤل انتخابات الرئاسة زى الايام دى كمان سنتين ان شاء الله :@
ثانيا : العضمة الكاوتش قانون الطوارئ قالوا هندرس الغاءة الا فى جرائم محددة يعنى اية بأة ما هو طول عمرة بلطجة و ارهاب هما كانوا فكرينة بيطبق على الاموال العامة و الجمارك او المخدرات مثلا يعنى قانون الطوارئ هيفضل زى ما هوه لانة اساسا محصور فى تهمتين كل الناس بيتحاكموا بيها بلطجة او ارهاب
ثالثا : العضمة الكاوتش التانية المحاكمات العسكرية :الغاء المحامكات العسكرية للمدنيين الا فى الحالات المنصوص عليها امام القضاء العسكرى طيب اساسا و قانونا و الل العظيم غير قانونى ان يحاكم المدنى اما محكمة عسكرية و بعدين القانون العسكرى ما اللى بيكتبوه و الحالات المدكورة بالمقال فى ناس بيحاكموا بيها لآن ماجمة القوات المسلحة و ماجمة الوحدات العسكرية مع انهم كانوا فى مظاهرة عادى
رابعا الحلو البلاستيك : قانون العزل السياسي: هوه قال اعضاء لجنة السياسات و اعضاء الامانة العامة و نواب مجلسي الشعب وا لشورى من الوطنى لا يمارسوا العمل السياسي لمدة عامين فى الانتخابات البرطمانية و المحليات … طيب و اعضاء الوطنى اللى اترشحوا و سقطوا و اللى اترشحوا مستقليين و سقطوا ههههههه
